椴木聖誕樹拼砌擺設工作坊

噢聖誕節托它歸家 ~ 放喺廳到閃閃吓 ~ 今個聖誕想有翻啲節日氣氛？我哋將聖誕樹縮細到可以放喺電腦Mon 上面，無咁「掗拃」之餘，裝飾嘅擺法顏色仲可以自己設計，最適合放喺辦公室同屋企。唔需要任何經驗，都可以擁有個人風格的創作藝術擺設！

工作坊特色

• 活動將椴木材料以鐳射切割成20多款聖誕造型裝飾零件，包括聖誕老人、聖誕襪、馴鹿、士的杖、聖誕裝飾球、聖誕鐘、聖誕帽、聖誕禮物、松果、雪花等等，切口俐落乾淨、容易上色及拼接之餘亦保留椴木獨有質感
• 椴木著色力強可以染色、重量輕又不易變形，在木板上塗上顏料，並加以拼砌即可成為立體椴木聖誕樹
• 提供12色塑膠彩顏料，包括紅色、深紅、粉色、橙色、黃色、綠色、藍色、天藍、深紫、黑色、白色及啡色等，色彩鮮明，參加者更容易掌握上色效果，新手亦可以輕鬆利用平筆和尖筆勾勒出個人特色風格
• 選用日本著名模型品牌Tamiya 的木工專用膠水，相比一般白膠漿更速乾及易於控制，適合用於較細小的模型，而配合模型鉗就可以感受創作精巧模型所帶來的滿足感
• 活動提供參加者獨立一套工具及顏料，導師亦會示範及指導如何使用工具及組裝的建議，參加者同時亦可自由發揮創意完成作品，加上色彩去展示獨特創意