舒緩工作壓力、滙聚正能量! Orgonite水晶能量塔工作坊。
你係咪都相信世上不同能量會互相影響？
一個能量塔可以帶來嘅影響遠超你嘅想像。
能量塔(Orgonite)的起源追溯至1939年奧地利的威廉.赫許博士發現一個自然能量——Orgone (乙太能量)。1986年，德國馬爾堡大學的實驗指出，Orgone對人體身體和心理產生積極效果。踏入2000年，Croft夫婦創造了現時的能量塔，不但可以吸引Orgone，還可以轉換輻射和負能量。
能量塔主要以水晶與金屬製成，不同種類嘅水晶可以為水晶能量塔帶嚟不同能量效果。
據稱，一些水晶有助改善人際關係，一些水晶可以舒解壓力，一些水晶有助提升睡眠質素…
一於自製一個放係屋企或者工作檯，外觀精緻嘅佢可以點綴家居、工作環境之餘，仲可以為你帶來正能量!
Cut & Paste! 打字、整spreadsheet慳時間絕技，你一定用過!
有無諗過同樣嘅概念可以化作色彩豐富、層次獨特嘅高雅精緻藝術？
源於傳統日本文化，人們將人像輪廓草草刻劃，再仔細揀選配合自己想表達意境的和式圖工紙，剪下屬於人像內不同部分的紙樣，湊湊拼拼出一幅格調高貴，心思滿載的藝術作品，更可以加插其他圖案、文字，增添層次感與文藝色彩，抒發內心感受。
撕爛咗嘅機密文件，睇完嘅presentation，用過嘅信封，用嚟開會用嘅貓紙、看完嘅小報、報廢嘅雜誌、諗住遞最終回心轉意都係唔遞嘅辭職信…
Office環境製造嘅廢紙多不勝數，每日排山倒海咁直送堆填區，實在十分浪費…
保護這個你下一代賴以維生嘅星球就從廢物再用着手!
我哋教你哋將辦公室源源不絕嘅廢紙，變身成鮮艷奪目嘅可愛紙糊菇仔小擺設，賦予廢紙第二次生命之餘，也減免你坎伐了地球上大量樹木嘅罪疚感，亦為你單調乏味嘅工作環境加添色彩與藝術氣息，給每天拼搏嘅你打打氣。
「作樂學院」嘅押花工作坊好可能係全香港性價比最高嘅押花工作坊。
相比坊間大部分押花工作坊都以購買回來的現乘乾花作材料，我們的押花花材全部自家炮製，由專業押花師從新鮮空運抵港正在盛開的鮮花中採摘，再經人手以特別技術押乾及染色，確保將鮮花內的水分吸走的同時能完整無缺地保存盛開花朵的美態。
揀選的鮮花除了較普遍的種類如菊花，繡球花外，亦會按季節挑選一些合時而又較罕有的品種(如櫻花)。除了花材質素特高，種類坊間少見外，我們提供的花材選擇亦超過40種，讓參加者可以享受更大空間自由配襯心愛花形與顏色。
採用的水晶膠亦是是用心挑選，質素好、透光性極高。再配以精心配置可防敏感及氧化的不銹鋼鏈/配件以及由從事押花創作及教學多年，擁有豐富指導大量參加者經驗的專業導師任教，我們不惜工本只為給「作樂學院」的客戶提供可信賴的質素。
這個產品品質加上經濟實惠的價錢，便造就了超越同行的無敵性價比。
回到充滿歡樂的童年! 懷緬昔日香港情懷! 手繪兒時、懷舊主題水洗牛皮紙八達通/員工證件套!
長大了，當你每天為生活營營役役的時候…當你對自己及前路感到迷失的時候…當你面對大小難題感到無力處理的時候…
你有想過回到童年做回那個無憂無慮的自己嗎?
你會懷念那段時時常歡笑不會眼淚掉的時光嗎?
看見林林總總的零食，那時常用的文具書簿，那些一早藏進腦袋深處的小回憶，有沒有令你會心微笑，像是重新找回幸福的味道？
親手繪畫出屬於你的兒時甜蜜回憶，再用心縫製將佢化作隨身寶貝，讓童年的快樂時光重回身邊!
Office入面總會有幾個喺公司做咗好耐，成日行開行埋撞口撞面，但當有人問佢叫咩名嘅時候，個答案通常都係：「eh……eh……嗰個呢嗰個呀」，或者要叫佢嘅時候通常都係：「呀……邊個邊個……」。
唔想做呢個長期被周邊同事無視嘅可憐人？
想有朝一日揚名立萬，大大聲將你個名嗌俾人聽？
參加呢個工作坊啦！我哋教你一夜成「名」！親身用自己雙手將你個英文名大大隻咁造出嚟！
將你個大名放喺枱頭，就咁就幫你將「揚名立萬」嘅工作做咗一半，距離成功又踏前咗一大步喇。
Henna印度身體彩繪，親身體驗!
見到人哋身上有紋身覺得幾型，心郁郁都想紋埋一份但又怕番唔到轉頭？
印度身體彩繪Henna可以滿足哂你所有要求！
直接係人體上使用亦得，保存到兩星期亦得，得咗！
「女神，為咗令你開心，我咩都會為你做架!」「咁你同我摘個粒星落嚟!」「……」
與其等男神tum你開心，或者對女神嘅願望無言以對，不如等我哋幫你將掛喺星空個粒璀璨星球擇落嚟，随身攜帶，實現不可能的任務!
一切從一個甚麼都沒有的玻璃球開始，我哋悉心向你傳授坊間少見的手作工藝，配合多種不同技巧包括渲染和顏色調配方法，將那個穿梭於獨特軌跡，有著迷人色彩紋理的星球濃縮在玻璃球之中，再配上小配件製成頸鏈或手鏈，塑造出整個銀河系唯你獨有的耀眼守護星，為你守護著終身幸福。
壓花手機殼、壓花頸鏈、壓花証件套、壓花手鍊、…
點解壓花作品咁千遍一律？「作樂學院」完全接受唔到囉。
為你推介將壓花融入蠟燭嘅稀有秀氣脫俗手作: 典雅壓花香薰蠟燭。
柱體造型蠟燭配上漂亮的乾花壓花，蠟燭背景還可用上調配顏色技藝打造出專屬的造景，令蠟燭圖案更豐富動人。
整個蠟燭由外型、顏色、比例、香氣、乾花設計都是自己決定去完成！
在心情好的時候，點起自己喜歡的蠟燭，香氣隨著飄逸，喜愛的歌曲在耳邊響起，濃濃的咖啡放在嘴邊，再拿著心愛的書本，好好享受這個屬於自己的時刻!
來自大自然的樹枝和貝殼，
解渴後便順手丟掉的汽水蓋，
破舊衣物上的衫紐、綿線和毛冷，
合併組裝成嘹亮鏗鏘、色彩繽紛的小樂器。
把生活節奏放慢一點，視線放遠一些，仔細留意身邊的人情和事物，你會發現大自然充滿著不起眼的資源，日常生活亦不乏可再生的物資，希望透過將被視作廢物的垂手可得的廢物製成有聲有色的小樂器，讓小朋友返樸歸真，珍惜身邊與大自然的事物。