彈彈彈彈彈…
點解Ukulele夏威夷小結他活動來來去去都係彈下歌? (順帶一提，我哋都有開呢個工作坊)
畫畫畫畫畫…
點解Art Jamming活動來來去去都係畫下畫? (順帶一提，我哋都有開呢個工作坊)
遇到咁嘅情況，我哋嘗試將兩樣嘢撈埋，睇下會唔會有化學反應，撞咗啲有新意嘅嘢出嚟。
真係有!
為你推介將Ukulele夏威夷小結他融入Art Jamming嘅稀有手作，集「視」「聽」娛樂於一身嘅: Ukulele夏威夷小結他Art Jamming!
係呢個資訊數碼科技發達嘅年代，你可能會覺得彩色嘅相無咩特別，用Photoshop P一P就輕鬆配上顏色。
但係以前來講，彩色相係好珍貴嘅物品，因為需要人手一筆一畫咁為相片填上顏色，少啲心機同時間都唔得！
但呢種上色嘅技巧隨著時間過去亦都開始慢慢失傳，所以熱愛傳統技藝嘅你就要快啲嚟學下啦！
Pop Art普普藝術係咩嚟？有無印象見過啲畫將毛主席、瑪莉蓮夢露、金寶湯畫到五顏六色？嗰啲都係Pop Art 普普藝術大師Andy Warhol嘅成名作！
Pop Art普普藝術，其實係一個探討通俗文化與藝術之間關連嘅藝術運動。
普普藝術試圖推翻抽象藝術而轉移以商標、明星、劃時代的人與物為主題，期望令藝術更貼近大眾文化。
想唔想親身感受下Pop Art嘅精髓？想唔想親手畫番幅有Andy Warhol影子、主題通俗、顏色奪目、對比強烈嘅畫作？Call我哋啦！
坊間嘅禪繞畫工作坊作品，不外乎以紙張、卡紙作畫，顏色亦不外乎黑色與白色，效果略帶平凡，感覺單調。
為你推介將禪繞畫融入日本傳統藝術圖紋的手作: 和風禪繞畫/御守。
以日本和柄(日本古典花紋，常見於日式花布及傳統建築物)為題，透過對日本傳統圖紋的了解及解構，配合不同的禪繞圖樣，讓大家親手畫出一個獨一無二的和風禪繞作品。
捲紙藝術(Quilling)，又稱衍紙，是一門以專用工具將細長紙條捲成特定形狀，用捏、折、皺、彎、搓、捻、挑，等方法做出造型，再搭配組成圖案的紙藝。
捲紙藝術起源於17世紀的西方國家，開初主要運用在宗教性的裝飾中，其後逐漸走進上層階級，成為華麗居室的裝飾品，貴族名媛的愛好，英國部分貴族女校更開設相關課程。18世紀後，捲紙藝術傳到美國，用途多為裝飾生活物品。到了21世紀，捲紙藝術遍布世界，打破原有局限，成為民間藝術，相關技術突飛猛進，裁剪方便，顏色鮮明，類型豐富，捲紙藝術品越趨精美。
迪迪尼、NINE、Emoji、小精靈，定係3眼仔、壞蛋獎門人、蛋黃哥…老土嘅定係潮嘅，動物定係昆蟲，只要你諗得出，就算係你公司logo，我哋都會積極研究，務求給你一個與眾不同，迎合你們口味嘅捲紙畫藝術工作坊！淨係呢個以客為先嘅服務態度，就已經圓勝其他對手，值得你俾個機會我哋為你哋服務啦!
剪紙是最早的紙工藝，是我們從古到今家傳戶曉的民間藝術。
它配合剪、貼、繪畫、折疊、黏合等綜合手法，製作出精緻細膩的紙品藝術。
為讓更多年青朋友認識這門傳統手藝，我們特意為從未接觸過剪紙藝術的你，將剪紙技術結合日常接觸到的有趣事物，手作色彩豐富，可愛精緻的紙品擺設，為傳統文化的傳承出一分力！
捲紙又稱衍紙， 英文叫Quilling。
是用專用的工具將彩色幼長的紙條捲成一圈一圈，用捲曲、彎曲，捏壓等方法做出各種造型，再把細小配件搭配組成圖案。
經過過百年的發展，已不再流於表面，以是向上發展，透過層層疊起不同圖案，可以搭建出千變萬化的立體作品。
生活中各種物件都可以透過捲紙立體地演繹出來， 例如：茶具、花盆、蔬果，甚至人和動物等都可以用這種紙藝栩栩如生地呈現。
Cut & Paste! 打字、整spreadsheet慳時間絕技，你一定用過!
有無諗過同樣嘅概念可以化作色彩豐富、層次獨特嘅高雅精緻藝術？
源於傳統日本文化，人們將人像輪廓草草刻劃，再仔細揀選配合自己想表達意境的和式圖工紙，剪下屬於人像內不同部分的紙樣，湊湊拼拼出一幅格調高貴，心思滿載的藝術作品，更可以加插其他圖案、文字，增添層次感與文藝色彩，抒發內心感受。
撕爛咗嘅機密文件，睇完嘅presentation，用過嘅信封，用嚟開會用嘅貓紙、看完嘅小報、報廢嘅雜誌、諗住遞最終回心轉意都係唔遞嘅辭職信…
Office環境製造嘅廢紙多不勝數，每日排山倒海咁直送堆填區，實在十分浪費…
保護這個你下一代賴以維生嘅星球就從廢物再用着手!
我哋教你哋將辦公室源源不絕嘅廢紙，變身成鮮艷奪目嘅可愛紙糊菇仔小擺設，賦予廢紙第二次生命之餘，也減免你坎伐了地球上大量樹木嘅罪疚感，亦為你單調乏味嘅工作環境加添色彩與藝術氣息，給每天拼搏嘅你打打氣。
回到充滿歡樂的童年! 懷緬昔日香港情懷! 手繪兒時、懷舊主題水洗牛皮紙八達通/員工證件套!
長大了，當你每天為生活營營役役的時候…當你對自己及前路感到迷失的時候…當你面對大小難題感到無力處理的時候…
你有想過回到童年做回那個無憂無慮的自己嗎?
你會懷念那段時時常歡笑不會眼淚掉的時光嗎?
看見林林總總的零食，那時常用的文具書簿，那些一早藏進腦袋深處的小回憶，有沒有令你會心微笑，像是重新找回幸福的味道？
親手繪畫出屬於你的兒時甜蜜回憶，再用心縫製將佢化作隨身寶貝，讓童年的快樂時光重回身邊!