日式速繪藝術大師在不作任何起稿的情況下，全憑肉眼觀察，即場以日本和風畫風，數分鐘內畫出參加者的人像畫作品!
畫作顏色配襯低調內斂，筆觸線條粗中帶幼，整體風格平實謙厚，配以精心設計的木畫框，便成就了日本風情濃厚的唯美藝術。
為參加者帶來耳目一新的自畫像，體驗終極「度身訂造」之個人化藝術創作，打造極具紀念價值的私人珍藏。
員工活動、Office Fun Day、VIP Event、公司function、Annual Dinner、Christmas Party、婚禮、生日宴…任何想令賓客留下深刻印象嘅會場，日本風情人像都可大派用場。

口痕想食糯米糍? 去長洲!
咁遠…返到屋企都消化完啦!
想方便? 自己整就最方便啦。
我哋仲教你突破糯米糍傳統味道，不再是豆沙、芒果，而是綠茶配紅豆，朱古力配麥提沙，撞出驚喜滋味!
再教你衝破糯米糍傳統口感，不再是軟腍腍，而是外軟內脆，新鮮感十足!
從此，糯米糍唔再係長洲特產，而係自我生產。

想唔想每日訓到自然醒?
想唔想放一日假，咩都唔做，淨係攤喺梳化睇電視?
想唔想每日都有大概兩個鐘，可以將視線放到無限遠，呆呆地發牛豆?
想唔想老細叫你做嘢時，你答佢:「等我hea多陣先，有心情先考慮做唔做。」
可惜，夢想同現實始終有段距離。唔好灰心啊！
喺你未實現到以上嘅宏大願景之前，暫且將你埋藏喺心底嘅心願放開，讓天性梳乎嘅「蛋黃哥」做你嘅代言人，以佢嘅表情為你渴望梳乎一下嘅心情帶來釋放。

「瀨嘢」原來可以甜蜜又開心。
專業糖果師教你將色彩繽紛嘅糖果，親手打造成可愛得意嘅卡通公仔。
穿入糖果棒後，立即化成精美棒棒波板糖，好靚好可愛之餘，仲好香又好味。
一次過為你嘅眼睛、鼻哥、舌頭送上刺激慰藉。
製作途中更加衝擊你嘅腦電波，激活你嘅創意，訓練你嘅手眼協調與耐性，俾你大量歡樂同滿足感。
從此，喺公司「瀨嘢」唔使再擔驚受怕，攞出親手鑄造嘅棒棒波板糖，聞一聞精神為之一振，瀨一瀨問題應刃而解。