捲紙藝術:3D立體花束盆栽
捲紙又稱衍紙， 英文叫Quilling。
是用專用的工具將彩色幼長的紙條捲成一圈一圈，用捲曲、彎曲，捏壓等方法做出各種造型，再把細小配件搭配組成圖案。
經過過百年的發展，已不再流於表面，以是向上發展，透過層層疊起不同圖案，可以搭建出千變萬化的立體作品。
生活中各種物件都可以透過捲紙立體地演繹出來， 例如：茶具、花盆、蔬果，甚至人和動物等都可以用這種紙藝栩栩如生地呈現。
亮麗高雅!和風剪紙拼貼畫手作藝術
Cut & Paste! 打字、整spreadsheet慳時間絕技，你一定用過!
有無諗過同樣嘅概念可以化作色彩豐富、層次獨特嘅高雅精緻藝術？
源於傳統日本文化，人們將人像輪廓草草刻劃，再仔細揀選配合自己想表達意境的和式圖工紙，剪下屬於人像內不同部分的紙樣，湊湊拼拼出一幅格調高貴，心思滿載的藝術作品，更可以加插其他圖案、文字，增添層次感與文藝色彩，抒發內心感受。
廢紙藝術!鮮艷可愛紙糊菇仔擺設
撕爛咗嘅機密文件，睇完嘅presentation，用過嘅信封，用嚟開會用嘅貓紙、看完嘅小報、報廢嘅雜誌、諗住遞最終回心轉意都係唔遞嘅辭職信…
Office環境製造嘅廢紙多不勝數，每日排山倒海咁直送堆填區，實在十分浪費…
保護這個你下一代賴以維生嘅星球就從廢物再用着手!
我哋教你哋將辦公室源源不絕嘅廢紙，變身成鮮艷奪目嘅可愛紙糊菇仔小擺設，賦予廢紙第二次生命之餘，也減免你坎伐了地球上大量樹木嘅罪疚感，亦為你單調乏味嘅工作環境加添色彩與藝術氣息，給每天拼搏嘅你打打氣。
手繪童年懷舊主題八達通／員工證件套
回到充滿歡樂的童年! 懷緬昔日香港情懷! 手繪兒時、懷舊主題水洗牛皮紙八達通/員工證件套!
長大了，當你每天為生活營營役役的時候…當你對自己及前路感到迷失的時候…當你面對大小難題感到無力處理的時候…
你有想過回到童年做回那個無憂無慮的自己嗎?
你會懷念那段時時常歡笑不會眼淚掉的時光嗎?
看見林林總總的零食，那時常用的文具書簿，那些一早藏進腦袋深處的小回憶，有沒有令你會心微笑，像是重新找回幸福的味道？
親手繪畫出屬於你的兒時甜蜜回憶，再用心縫製將佢化作隨身寶貝，讓童年的快樂時光重回身邊!
Henna印度身體彩繪藝術體驗
Henna印度身體彩繪，親身體驗!
見到人哋身上有紋身覺得幾型，心郁郁都想紋埋一份但又怕番唔到轉頭？
印度身體彩繪Henna可以滿足哂你所有要求！
直接係人體上使用亦得，保存到兩星期亦得，得咗！
循環手作 親子親手DIY大自然小樂器工作坊
來自大自然的樹枝和貝殼，
解渴後便順手丟掉的汽水蓋，
破舊衣物上的衫紐、綿線和毛冷，
合併組裝成嘹亮鏗鏘、色彩繽紛的小樂器。
把生活節奏放慢一點，視線放遠一些，仔細留意身邊的人情和事物，你會發現大自然充滿著不起眼的資源，日常生活亦不乏可再生的物資，希望透過將被視作廢物的垂手可得的廢物製成有聲有色的小樂器，讓小朋友返樸歸真，珍惜身邊與大自然的事物。
日本傳統手作工藝!飄香手毬/招運御守飾物
講到傳統日本嘅飾物的話，大家都對御守一定有深刻印象，除咗去親身求一個之外，其實仲可以為自己或者喜歡嘅人整一個充滿心意嘅御守飾物。
而除咗常見嘅御守之外，昔日作為日本小孩玩樂嘅手毬都係一個唔錯嘅選擇。日本古時嘅媽媽會於女兒出嫁或者出遠門之時親手製作贈與，以表關懷同思念，亦係物輕情意重，飽含滿滿嘅愛意。
傳統手工藝傳承:迷你喜慶花牌手作班
每逢農曆新年、太平清醮等中國傳統節日，都會見到各式各樣既大型花牌，上面寫滿不同既祝福語，標誌大型喜慶公告和告示！
今次我哋將傳統大型花牌縮細!
成為「迷你花牌」!
俾你親身體驗呢個中國傳統手工藝，一邊體會大型花牌嘅製作過程，一邊將你既心意、祝福寫上去俾你心愛既人!
攪出個大頭佛!手作迷你大頭佛製作體驗
一諗起大頭佛，就一定會聯想到舞龍舞獅個陣既熱鬧氣氛！
大頭佛古怪既樣子，好似外國既小丑一樣，令人感到歡樂喜悅！
親手攪出個大頭佛! 製作一個「my飛佛」迷你大頭佛，將喜悅帶回家中，將歡樂分享給身邊人！
傳統手工藝傳承:打鐵手造金銀銅飛機吊飾
摺紙飛機就摺得多喇！摺鋁鐵造既飛機有無試過呀？
係咪幻想唔到鐵都可以用黎摺飛機呢？
「打白鐵」係香港傳統既一門手工藝，盛載住香港既回憶…
可惜傳統手工藝受不住時間既衝擊，於年青一代中漸漸式微。
我哋珍惜機會一齊體驗打白鐵! 一齊落手落腳造隻金屬飛機吊飾! 一齊守護呢門傳統工藝！