甜點大師主理:芝麻/紅豆卡通公仔湯丸
一家團聚嘅時候，可以搵可愛嘅卡通公仔一齊團圓啦!
心愛嘅卡通公仔唔再只係喺電視出現，今時今日嘅甜品製作技巧，經已可以將卡通公仔融入一粒粒嘅湯丸喇!
從此，傳統純白色無圖案嘅湯丸唔再吸引到你。
因為你已經見識過味道無走樣，但外觀好好樣嘅湯丸後現代進階優化高端版本。
無添加劑!新鮮果粒!天然健康美味手工果醬
好味嘅手工果jam一必要：材料新鮮、果粒豐富、甜度適中! 我哋造得到!
正所謂「不時不食」，我們的手工果醬採用當灶時令水果，選用的水果材料更是於活動前一天才新鮮抵港的優質生果，其後再由專人悉心洗滌清潔乾淨。
製造手工果醬的食譜、過程與烹調手法皆由專業導師精心設計，保證過程中無添加任何化學添加劑、防腐劑、人造色素，以純自然方法將新鮮水果的味道、顏色、營養提煉萃取，非常健康。
我們更會將部分生果切成粒狀，原個保留在手工果醬中，這些果粒有效將生果內的果汁與水份鎖住，亦能夠增強手工果醬的立體感與口感，製成有「趙口」嘅手工果醬。
這個手工果醬的甜度，更是由你透過調整糖的份量與試味過程中全盤操控，讓你可以自行調製出適合自己口味嘅甜味濃度。
。。。「作樂學院」嘅手工果醬工作坊好可能係全香港性價比最高嘅果jam工作坊。
甜點大師主理:得意卡通公仔糖霜曲奇製作
有無見過啲嘢好靚好可愛，你鐘意佢鐘意到想佢成為自己身體嘅一部分，想將佢食落肚？
呢個甜點作品可以俾你一嘗所願！
好靚好可愛之餘，仲好香好味。一次過為你嘅眼睛、鼻哥、舌頭送上刺激慰藉。
製作途中更加衝擊你嘅腦電波，激活你嘅創意，訓練你嘅手眼協調與耐性，俾你大量歡樂同滿足感。
製作過程同埋最終作品都同你嘅身體融匯貫通，恭喜你經已達致甜品烹飪嘅最高境界。
Wine Tasting 品酒工作坊
同女神食飯，睇住西餐個wine list，好似睇緊外星文字咁，無隻字睇得明，但又要扮識扮有見識…
同同事先食飯，cheers! 碰杯後，你見大家揸住杯酒又搖又望又聞，心諗：點解我咁失敗，連將啲酒吞落肚都唔識…
同老闆食飯，老闆叫咗碟香蒜蜆肉意粉，吩咐你叫杯酒match下個主菜，配紅酒啱啲定白酒啱啲？苦苦掙扎，無從選擇…
同客戶食飯，客戶A同你講白酒xxx好飲啊，年份一流，產區唔錯；客戶B同你講紅酒xxx好飲啊，葡萄品種香醇，略帶果味與泥土味，層次感十足，你無言以對，話題就此終結…
品酒是任何社交場合的必備環節，尤其於商業社會，短短「飲番杯嘢」的時間，可以成就一單交易，可以令別人對你改觀，可以為你帶嚟晉升機會。飲酒時好好表現得成熟有道，不但能夠提升個人修養、品味，擴闊見識、社交圈子，亦可以給人留低良好印象，甚至成為通向成功的鑰匙。
國家評茶師主理:中國茶藝泡茶與品茗體驗
開門七件事是古代中國平民百姓每天為生活而奔波的七件事，已成為中國的諺語。從“開門”（即開始家庭一天正常運作之時或持家，維持生計），就離不開七件維持日常生活的必需品，分別是：柴、米、油、鹽、醬、醋、茶。開門七件事提示家庭各樣必需品。另外中國流傳的文人七事「琴、棋、書、畫、詩、酒、茶」娛樂生活也離不開茶的影子。
香港都市人的生活中，其實也離不開茶。包括早茶、下午茶；又例如在酒樓、茶餐廳、快餐店、便利店、火車和飛機等，我們也可以接觸到各式各樣的茶飲。在社會禮儀中的敬茶、送茶禮也是意旨深遠。
茶到底有什麼吸引力? 茶在中國五千年文化與現代社會有什麼密不可分的淵源? 茶如何飲得健康、飲得精彩? 茶可以提升個人品味? 茶有什麼禮儀? 讓我們在茶事專題中，一一剖析箇中的精采。