甜點大師主理:得意卡通公仔糖霜曲奇製作
有無見過啲嘢好靚好可愛，你鐘意佢鐘意到想佢成為自己身體嘅一部分，想將佢食落肚？
呢個甜點作品可以俾你一嘗所願！
好靚好可愛之餘，仲好香好味。一次過為你嘅眼睛、鼻哥、舌頭送上刺激慰藉。
製作途中更加衝擊你嘅腦電波，激活你嘅創意，訓練你嘅手眼協調與耐性，俾你大量歡樂同滿足感。
製作過程同埋最終作品都同你嘅身體融匯貫通，恭喜你經已達致甜品烹飪嘅最高境界。
懷舊傳統美食DIY: 有機紅豆砵仔糕
青春可否不會老，想當年讀書時候成日係街邊買砵仔糕食，一班人一齊放學行去買，一人一個食得鬼咁開心。依加想搵一間食番以前嘅味道已經好難，街邊嘅士多都已經唔係到。但係唔緊要！買唔到嘅話一於自己整，自己學識整再整比屋企嘅小朋友食，將以前食過嘅味道再傳比佢地，同小朋友分享自己仲係小朋友嘅時候。
懷舊傳統美食DIY：香蕉糕
大家有無食過或者見過香蕉糕呢? 相信大部份人連見都未見過，所以香蕉糕應該係最「懷舊」同最「傳統」嘅小食喇。今次「作樂學院」就為各位帶黎一次品嚐香蕉糕，以及學習製作香蕉糕嘅機會。
除此之外，繼菠蘿包無菠蘿，花枝丸無花枝，酒吧無酒之後，香蕉糕係真係有香蕉！軟軟棉棉香蕉糕工作坊會用真正香蕉去製作，而唔係香油，令大家食得健康又好味。
Wine Tasting 品酒工作坊
同女神食飯，睇住西餐個wine list，好似睇緊外星文字咁，無隻字睇得明，但又要扮識扮有見識…
同同事先食飯，cheers! 碰杯後，你見大家揸住杯酒又搖又望又聞，心諗：點解我咁失敗，連將啲酒吞落肚都唔識…
同老闆食飯，老闆叫咗碟香蒜蜆肉意粉，吩咐你叫杯酒match下個主菜，配紅酒啱啲定白酒啱啲？苦苦掙扎，無從選擇…
同客戶食飯，客戶A同你講白酒xxx好飲啊，年份一流，產區唔錯；客戶B同你講紅酒xxx好飲啊，葡萄品種香醇，略帶果味與泥土味，層次感十足，你無言以對，話題就此終結…
品酒是任何社交場合的必備環節，尤其於商業社會，短短「飲番杯嘢」的時間，可以成就一單交易，可以令別人對你改觀，可以為你帶嚟晉升機會。飲酒時好好表現得成熟有道，不但能夠提升個人修養、品味，擴闊見識、社交圈子，亦可以給人留低良好印象，甚至成為通向成功的鑰匙。
國家評茶師主理:中國茶藝泡茶與品茗體驗
開門七件事是古代中國平民百姓每天為生活而奔波的七件事，已成為中國的諺語。從“開門”（即開始家庭一天正常運作之時或持家，維持生計），就離不開七件維持日常生活的必需品，分別是：柴、米、油、鹽、醬、醋、茶。開門七件事提示家庭各樣必需品。另外中國流傳的文人七事「琴、棋、書、畫、詩、酒、茶」娛樂生活也離不開茶的影子。
香港都市人的生活中，其實也離不開茶。包括早茶、下午茶；又例如在酒樓、茶餐廳、快餐店、便利店、火車和飛機等，我們也可以接觸到各式各樣的茶飲。在社會禮儀中的敬茶、送茶禮也是意旨深遠。
茶到底有什麼吸引力? 茶在中國五千年文化與現代社會有什麼密不可分的淵源? 茶如何飲得健康、飲得精彩? 茶可以提升個人品味? 茶有什麼禮儀? 讓我們在茶事專題中，一一剖析箇中的精采。
咖啡烘焙入門x品味技巧
咖啡愛好者一定要上的一課，就係咖啡豆烘焙喇！品嚐一杯咖啡嘅時候有無諗過除左咖啡豆種類，咖啡豆烘焙過程其實對咖啡嘅口味、顏色、氣味等影響好大。
而咖啡烘焙入門工作坊，可以為喜歡咖啡嘅各位上一次入門課程，咖啡烘焙工作坊令您更全面地了解咖啡口味嘅變化同原因。上完堂唔單止可以學到咖啡烘焙技巧，更加可以即場享用一杯新鮮嘅咖啡，簡直係咖啡愛好者必上嘅一課！
無添加!新鮮手作!古法秘製香脆花生糖
花生糖…好可能係人類最長命嘅甜點!
據傳花生糖早於公元前475-221年的戰國時期便已出現!
由於當時各地戰亂紛紛、人人自危，一些有錢人家為了保存性命，都紛紛躲避遠離戰火。在兵荒馬亂的時候，為了更方便擕帶食糧，就將飴糖和花生加在一起熬煮，冷凍再切成一小塊形狀，製作出今時今日花生糖的始祖。到了12世紀，花生糖首先傳入阿拉伯國家，其後傳到了希臘和歐洲乃至世界各地。
時至今日，很多年青人都覺得花生糖老土落伍; 但歷史悠久的花生糖確實是見證着人類歷史的偉大古蹟，是人類整體的集體回憶!
齊齊學習這個傳統手工藝，學懂以古法秘製花生糖，為這個珍貴的古蹟、回憶做好傳承保育。
突破傳統!綠茶紅豆/朱古力麥提沙糯米糍
口痕想食糯米糍? 去長洲!
咁遠…返到屋企都消化完啦!
想方便? 自己整就最方便啦。
我哋仲教你突破糯米糍傳統味道，不再是豆沙、芒果，而是綠茶配紅豆，朱古力配麥提沙，撞出驚喜滋味!
再教你衝破糯米糍傳統口感，不再是軟腍腍，而是外軟內脆，新鮮感十足!
從此，糯米糍唔再係長洲特產，而係自我生產。
自創梳乎神情動作!趣緻蛋黃哥立體曲奇
想唔想每日訓到自然醒?
想唔想放一日假，咩都唔做，淨係攤喺梳化睇電視?
想唔想每日都有大概兩個鐘，可以將視線放到無限遠，呆呆地發牛豆?
想唔想老細叫你做嘢時，你答佢:「等我hea多陣先，有心情先考慮做唔做。」
可惜，夢想同現實始終有段距離。唔好灰心啊！
喺你未實現到以上嘅宏大願景之前，暫且將你埋藏喺心底嘅心願放開，讓天性梳乎嘅「蛋黃哥」做你嘅代言人，以佢嘅表情為你渴望梳乎一下嘅心情帶來釋放。
Cheese Tart日式流心芝士撻
撻皮脆一脆，芝士滑一滑，一咬流心，一試傾心。
來自日本的芝士撻在香港火速走紅，狂熱程度已維持了好一陣子。但是熱潮似乎沒有少許放緩跡象，各區仍然見到不少港式芝士撻舖頭隨處漫延，還出現不死人龍，問題已迅速惡化，情況刻不容緩，需要有關方面立即正視！
花個幾鐘排隊，買一個要20蚊，實在不符合精打細算嘅香港人。
你們有福了！「作樂學院」有見及此，本著一貫急「客戶所急」的服務態度，推出甜點大師主理的日式流心芝士撻工作坊！教大家自己做芝士撻！
材料輕易購買，教你很多製作獨門秘技，賣相仲9成似足喺日本嘅芝士撻，呃like無難度。